Спортистот братучед на Ampera ја имаше централната улога во годинешната женевска претстава на Opel, со која разнишаниот германски производител мораше да нé убеди дека сé е во ред со неговата иднина.

Ако сегашноста не изгледа најсјајно, со насочување на рефлекторите во друг правец сé изгледа поинаку - тоа накратко беше сижето на спомената претстава со кое Opel се натпреваруваше за позитивното внимание на публиката на годинешниот женевски салон. И успеја во тоа - plug-in концептуланиот предлог Flextreme GT/E се покажа како добар кастинг, не само заради мускулестиот спортски изглед, туку и со можностите кои ги нуди. 4,7 метарскиот концепт пет врати и аеродинамично оптимизирани линии налик на купе и задни врати кои се отвораат спротивно располага со коефициент на отпор на воздухот од неверојатно ниски 0,22, постигнати и со помош на парот преклопливи задни спојлери скриени во задните крила кои се активираат над 50 km/h. На тој начин работата на електропогонот од 120 kW и 370 Nm драстично е олеснета, со што функцијата на 1,4 литарскиот бензински мотор кој има за задача да рипне напомош како генератор на струја кога литиум-јонските батерии ќе се испразнат, малку е запоставена - Opel вели дека првите 65 километри тој послушно ќе дреме во предниот дел на возилото пред да биде повикан на работа.

Од поемоционалниот дизајн на Flextreme GT/E може да се заклучи и нивото на неговите перформанси, кои емпириски се изразуваат со помалку од деветте секунди забрзување до 100 km/h и максималните 200 km/h.

Најчитани вести

• 
  Peugeot 208
• 
  Audi A1 започнува со продажба
• 
  На ред и Kia Forte хечбек
• 
  Citroen DS4 сепак со деби на домашен терен
• 
  За Австралија i35, за Европа i40

последни вести од оваа категорија

• ВЕСТИ
• СТОРИИ

пребарување

корисни информации

анкета

галерии