Почитувајќи го постигнатото, француската марка со DS3 Racing има сериозна намера да ја прошири успешната приказна надвор од WRC патеките, попат давајќи и и нов квалитет. Инжинерите од тркачкото одделение на Citroen од стандардниот DS3 за женевската манифестација створија чистокрвно тркачко возило целосно според имиџот на марката. Спортскиот дух на DS3 Racing е концентриран на должина од 3,95 метри. Неговите линии се привлечни, течни и затегнати, оддават сила и моќ и предизвикуваат задоволство да се вози и чувство на безбедност, а дизајнот му е исполнет со чувства и во стил кој инспирира бесстрашност, желба и потреба да се надминат границите.

Концептот ги поседува сите атрибути на 100% тркачки модел, како што се елементите од карбон и специјалната опрема од светот на автомобилските натпревари. Турбо моторот со висок темперамент од 1,6 литри достигнува 200 KS, а подвозјето, спуштено за 15 mm и со тркала раширени за 30 mm, е прецизно доработено со цел да се даде предност на интензитетот на чувства во возењето и да се постигне непрестан дијалог меѓу возачот и патот. Големите тркала од 18 инчи се истакнуваат со уникатниот, истовремено и high-tech и спортски дизајн, а во внатрешноста на DS3, која ја поседува истата ексклузивна обработка како и надворешноста, патниците можат да уживаат во луксузниот, оригинален и расен амбиент.

Citroen ќе го комерцијализира DS3 Racing во ограничено издание од 1.000 парчиња во втората половина на годинава. Ексклузивноста на DS3 Racing е јасно претставена со нумерираната плочка која се наоѓа на плафонот и потписот Citroen Racing кој се наоѓа на наслонот на седиштата.

Најчитани вести

• 
  Peugeot 208
• 
  Audi A1 започнува со продажба
• 
  На ред и Kia Forte хечбек
• 
  Citroen DS4 сепак со деби на домашен терен
• 
  За Австралија i35, за Европа i40

последни вести од оваа категорија

• ВЕСТИ
• СТОРИИ

пребарување

корисни информации

анкета

галерии