По извршениот преглед на комплетноста и валидноста на доставената документација, како и евалуација на пристигнатите понуди, од страна на комисијата за спроведување на јавната набавка за најповолен понудувач по огласот за набавка на 202 двокатни автобуси наменети за градскиот превоз во Скопје е избрана кинеската компанија Zhengzhou Yutong Group.

Понудата на вториот кинески производител King Long е оценета како неприфатлива затоа што не го задоволи бараниот критериум во делот на дизајнот, со што не освои доволен број бодови за да може воопшто да се разгледува, бидејќи согласно правилата за учество на тендерот, дизајнот на автобусите во најголемиот дел треба да наликува на автобусите за градски сообраќај кои се движеле низ Скопје во педесеттите години.

Yutong Bus, кој веднаш после Mercedes е втор по големина светски производители на автобуси со годишна продукција од триесетина илјади автобуси од сите категории, во својата редовна понуда нема двокатен автобус, иако пред година ипол има произведено серија од 8 вакви возила со ознака ZK6116HGS за градскиот превоз во Гуијанг, главниот град на најсиромашната кинеска провинција Гуиџоу.

Најчитани вести

• 
  Авто Чајка најдобар дилер во Македонија!
• 
  И Панчо во Opel Astra
• 
  Бурна есен на македонскиот пазар
• 
  Пристигнуваат IBIZA ST, EXEO ST и ALHAMBRA
• 
  Маккар со интересна понуда на моделите на BMW

последни вести од оваа категорија

• ВЕСТИ
• СТОРИИ

пребарување

корисни информации

анкета

галерии