Составена е пошироката листа на можни финалисти, од кои жирито ќе ги избере најдобрите меѓу годинешните автомобилски новитети, кои ќе го трчаат финалниот круг. На неа се најдоа дури 22 нови модели: Hyundai i20, Honda Insight, Suzuki Alto, Toyota iQ, Chevrolet Cruze, Volkswagen Polo, Škoda Yeti, Opel Astra, Kia Soul, Peugeot 3008, Toyota Urban Cruiser, Seat Exeo, Renault Scenic, BMW X1, Hyundai ix35, Kia Sorento, Mazda3, Citroen C3 Picasso, Lancia Delta, Ford Fiesta, Ford Ka и Mercedes E.

Наредната фаза предвидува верификација на новитетите, односно утврдување дали ги исполнуваат потребните услови за да се кандидираат за годинешниот избор - да бидат понудени на македонскиот пазар во периодот меѓу два избора, да бидат претставени на жирито и да бидат отстапени на пробно возење на членовите на жирито. Така, дел од модели кои се на листата, а сé уште не се пристигнати во Македонија ќе останат за догодина, а оние кои не се или нема да бидат преставени на жирито ќе бидат избришани, со што ќе ја добиеме потесната листа на можни финалисти. Потоа следи обезбедувањето согласност од страна на импортерите нивните возила да бидат вклучени во финалето, по што ќе се изберат и финалистите. Колку ќе бидат, зависи од самите возила.

Жирито во состав: Зоран Коцев, Љупчо Михајловски, Владимир Ристовиќ, Горан Антевски, Агрон Сулејман и Томислав Биљарац, согласно правилата на изборот и критериумите според кои се оценуваат возилата (адекватноста и понудата на домашниот пазар, економичноста и еколошката прифатливост, безбедноста и примената на технолошките достигнувања, возните својства, дизајнот и комфорот и опременоста), својата работа ќе ја доведе до крај некаде кон крајот на јануари, кога и ќе биде познат годинешниот, петнаесетти по ред освојувач на титулата "Автомобил нагодината во Македонија".

Лани во финалето учествуваа: Hyundai i10, Seat Ibiza, Honda Accord, Suzuki Splash, Renault Megane и Volkswagen Golf, а досегашни носители на титулата се: Fiat Bravo/Brava (1996), Renault Megane (1997), Opel Astra (1998), Škoda Octavia (1999), Fiat Punto (2000), Seat Leon (2001), Toyota Corolla (2002), Mazda6 (2003), Mazda3 (2004), Seat Altea (2005), Volkswagen Passat (2006), Opel Corsa (2007), Kia Cee'd (2008) и Volkswagen Golf лани.

Најчитани вести

• 
  Opel Astra е официјално Автомобил на 2010 година во Македонија
• 
  "Kia cee'd" автомобил на годината во Македонија!
• 
  Opel Astra автомобил на 2010 година во Македонија
• 
  Volkswagen Golf VI автомобил на годината 2009
• 
  Познати финалистите за автомобил на годината 2009

последни вести од оваа категорија

• ВЕСТИ
• СТОРИИ

пребарување

корисни информации

анкета

галерии